سويسرول الدجاج المحشي من ايمي

المكونات

دجاجه كامله مسحبه من العظم ومفروده

خيط لف خاص للفرن

جزر مقطع

بصل مقطع

بهارات

جوزة الطيب

والحشوه رز باللحمه والفستق

للتزيين لوز مقلي

هون منحضر الحشوه
منقلي اللحمه مع بصله مفرومه وبهارات وجوزة الطيب
منكون غاسلين الرز البسمتي ابو كاس ومنقلبهم مع اللحمه ومنضيف فستق حلبي
ومنقلبهم

منحط مي سخنه منفلفل الرز
منكون مجهزين الجاجه ومنظفه ومنبهرها كويس

بس نبهر الدجاج ونفردها كويس منحط الحشوه بنص ومنلفها ومنلف عليها خيط الفرن كويس وبحمرها شوي على النار فوق بصينيه

منكون مقطعين البصل والجزر بس تتحمر منحط عليها الجزر ومنمرقلها شوي ومنبهرها ومنملحها ومنغطيها وبالفرن

هيك بكون استوت وتحمرت منفر باقي الرز بالصينيه ومنحط عليها الجاج ومنزينها وصحتين وفيكي تقطعيها

صحتين والف هنا
ايمي

صحتين جربوها ما رح تندمو كانت من اختراعي