النموره على طريقتي
المقادير
5 كاسات سميد
كاسة طحين فرخه
لبن أو ماء كاستين ونص -انا حطيت لبن اطيب
سكر ناعم كاستين
زبده او سمنه كاستين - انا حطيت سمنه
معلقتين بيكنغ باودر
3 كاسات قطر
طحينه لدهن الصينيه
لوز مقشور للتزيين
الطريقه
منخلط كل المكونات الناشفه بعدين منضيف السمنه منمزجهم كويس بعدين منضيف اللبن ومنخلطهم كويس
مندهن الصينيه بالطحينه ومنحط المزيج وبسكينه منقطعها بس لحتى نرتب اللوز المقشور ويكون مرتب
مندخلها بفرن درجة حرارتو 210 تقريبا بتضل من نص ساعه ل 45 دقيقه
واول ما نطلعها من الفرن منحط القطر بعدين منقطعها
وفيكي تزينيها بجوز هند لو حبيتي
وصحتين وهنا عليكم كلكم
ليست هناك تعليقات:
إرسال تعليق